Түркістан облысында жылыжай егетін шаруалар: «биыл өнімсіз қаламыз ба?» деп дабыл қағуда. Өйткені өңірде көмір жоқ. Тіпті, кей шаруашылықта екі-ақ күнге жететін отын қалыпты. Мәселе шұғыл шешілмесе, шығынға бататынын айтқан олар, амал жоқ «өнімді де қымбаттатамыз» деп ескертті.
https://www.youtube.com/watch?v=ywOO82X0WqI
Қазығұрттық жылыжай шаруалары көмір тапшылығы әбден жанымызға батты дейді. Жоспарға сай өнім алмаған олар кәсіптерін біртіндеп сатылымға қойған. Тұрбат ауылындағы 100 гектар жылыжай иелері тап осы қиындықты бастан кешіп отыр.
Атабек Әмірсейіт 30 жылдан бері жылыжай қожалығымен отбасын асырап келеді. Қыс таяғанда қара отын тапшылығына күйінген ол кәсібін сатуға бел буып отыр.
Атабек Әмірсейіт, жылыжай шаруашылығының қожайыны:
«Егер 10-15 күннің ішінде көмір болмаса, жылыжай атаулы өледі. Сосын 20 мың тонна өнім шығарамыз. Соны бүкіл Қазақстанға жеткізіп береміз. Ал егер ол жоқ болса, біздің ішкі бағамыз 4 есе көтеріліп кетеді. Әрине, базар көтеріледі. Халық жұмыссыз қалады. 3000-4000 адам мына жерді тұрып жатқан сол жылыжаймен күн көреді. Диқандар банкротқа ұшырайды»
Алайда жауаптылар қара отыннан қиындық жоқ деп отыр. Олардың айтуынша, қор жеткілікті, тек тұрғындар өтінім білдірсе болды, мәселе шешіледі екен.
Марат Байғұнысов, энергетика және тұрғын үй-коммуналдық шаруашылық басқармасының жылумен қамтамыз ету бөлімінің басшысы:
«Жалпы көмір қоры жеткілікті. Біз тек қана тұрғындардың жылыжайына ғана жауап бере аламыз. Ол үшін аудан қала әкімдіктеріне өтінім берсе болды, біз соның бәрін жинақтап, әрі қарай қосымша қажет болса тасымалдауға көмектесеміз».
Айта кетейік, тұрғындарының дені осы жылыжаймен күн көріп отыр. 12 мың тұрғыны бар ауыл жылына 20 мың тонна өнім береді.
