Түркістан облысында 8 шаруақожалық иесі осынша субсидияны заңсыз алған деген айыпқа ілігіп отыр. Олар Ресейден ірі қара малды сатып әкелуді растайтын жалған құжаттар ұсынған. Мемлекет басшысының өзі бұл саланы жіті бақылауды тапсырған еді. Сонымен субсидияны талан-таражға салған кімдер? Нұрлан Сұлтанбек жалғастырады.
Мына кадрлардан қаржы мониторингінің несиелік серіктестік болған ұйымның кеңсесіне баса көктеп кіргенін байқауға болады. Қалтасын оңай жолмен қампайтқысы келгендер бюджеттің 380 миллион теңгесін жымқырмақ болыпты. Ал несиенің жалпы сомасы 1 миллиард теңгеден асады. Күдікті ретінде Кентау мен Түркістан қаласының агроөнеркәсіп иелері тергеуге алынған.
Жандос Кенжебаев, облыс бойынша экономикалық тергеп-тексеру департаментінің тергеу басқармасының басшысы:
«Аталған факт қазір Кентау қалалық сотымен қаралуда. Егер кінәлі деп танылған жағдайда оларға қатысты 5 жылдан 10 жылға дейінгі бас бостандығынан айыру жазасы қарастырылған. Қылмыстық істің құрықталған уақыты 2021 жылдың мамыр айынан қыркүйек айының соңына дейін қылмыстық тегеу жұмыстары жүргізілді».
Ал облыстық ауылшаруашылық басқармасының басшысы Нұрбек Бадырақов қожалық иелірі делдалдарға алданып қалған дейді.
Нұрбек Бадырақов, облыстық ауылшаруашылығының басшысы:
«Сот процесі болып жатқан шаруаларды да түсінуге болады. Олар тиісті ортадағы шаруашылық делдалдардан сатып алған. Енді оларды таппай жатыр қазіргі таңда. Сондықтан бізде сот процесстері болып, қаржысының барлығы түгел қайтарылды».
«Сыбаға арқылы сыбағасынан айырылғандардің ісі қазір Кентау қалалық сотында қаралып жатыр. Мемлекет басшысының өзі осы саланы жіті бақылауға алған еді. Кейінгі 5 жылда ауыл шаруашылығын субсидяилауға 2 трлн теңгеден астам қаржы бөлінген екен. Алайда ешқандай нәтиже жоқ деген президент сыбайлас жемқорлыққа қарсы ведомстваға осы саланы тексеруді тапсырған болатын.
