«Таза Қазақстан» республикалық экологиялық акциясы аясында Оранғай ауылдық округі әкімінің аппараты тарапынан Оранғай елді мекеніндегі кәсіпкерлер мен тұрғындар арасында санитарлық тазалықты сақтау бойынша түсіндіру жұмыстары жүргізілді.
Іс-шара барысында тұрғын үйлер мен кәсіпкерлік нысандардың айналасын таза ұстау, тұрмыстық және құрылыс қалдықтарын белгіленбеген орындарға тастамау, көшелер мен қоғамдық орындардың тазалығына жауапкершілікпен қарау қажеттігі түсіндірілді. Сонымен қатар санитарлық талаптар туралы ақпараттық парақшалар таратылып, кәсіпкерлік нысандарға орналастырылды.
Таза орта – жайлы өмірдің кепілі. Ауылымыздың көркі мен тазалығы әрқайсымыздың ұқыптылығымызға байланысты. Сондықтан барша тұрғындар мен кәсіпкерлерді тазалық талаптарын сақтауға, қоршаған ортаны қорғауға және туған жеріміздің көркеюіне бірге үлес қосуға шақырамыз!
Тазалықты сақтау – бір күндік жұмыс емес, күнделікті дағдымыз болуы керек!
#ТазаҚазақстан #СанитарлықТазалық
#ТазаАуыл
#Экология
#ОртақМіндет
ТАЗАЛЫҚТЫ САҚТАУ – ӘРБІРІМІЗДІҢ МІНДЕТІМІЗ!
Redactor
1 мин оқу
18
