Айналаны таза ұстау әрбір тұрғынның міндеті
Түркістан қаласында учаскелік полиция қызметкерлері мен жауапты сала мамандарының қатысуымен тұрғындар арасында санитарлық тазалық пен абаттандыру қағидаларын сақтау бойынша түсіндіру жұмыстары жүргізілді.

Кездесу барысында тұрғындарға үй маңындағы аумақтарды, аулалар мен көшелерді таза ұстау, тұрмыстық қалдықтарды белгіленген орындарға шығару, арамшөптерді уақытылы ору және қоршаған ортаға жанашырлықпен қарау қажеттігі түсіндірілді. Сонымен қатар тұрғындарға қоғамдық орындарды ластауға және абаттандыру қағидаларын бұзуға жол бермеу керектігі ескертіліп, заң талаптарын сақтамаған жағдайда Қазақстан Республикасының қолданыстағы заңнамасына сәйкес әкімшілік жауапкершілік қарастырылғаны айтылды.

Тазалық – ортақ міндет. Әрбір тұрғынның жауапкершілігі мен белсенділігі Түркістан қаласының тазалығы мен көркеюіне үлес қосады. Тұрғындар арасында бірлік пен тұрақтылықты қалыптастырады.