Түркістанда жыл басынан бері вакцина салу бекеттерінің саны артқан. Нақтырақ, тек тамыз айының ішінде 128-ден 141-ге дейін жетті, деп хабарлайды облыс әкімінің баспасөз қызметі.
Түркістан облысы вакциналау бойынша елімізде 2-орында тұр. Өңірге вакцинаның 690 мыңға жуық дозасы жеткізілген. І компонентін 660 мыңдай адам немесе 95%, ІІ компонентін – 444 545 адам немесе 77% салдырған.
Сондай-ақ облыс аумағында инфекциялық төсек-орын санын 6 мыңға дейін жеткізуге мүмкіндік бар.
Соңғы тәулікте Түркістан облысында коронавирус инфекциясының 116 жағдайы тіркелген. Тәуліктік өсім 1.06% құрайды. Індет басталғалы коронавирустың 11 мың жағдайы анықталды. Оның жартысынан астамы, яғни 6250-де сипмтомсыз өткен. Жалпы қауіпті вирус жұқтырғандардың дені 20-49 жастағылар.
Айта кетейік, облыстағы мекемелерде 8 оттегі станциясы, 400 ӨЖЖ аппараты, мыңнан аса оттегі аппараты бар. Сондай-ақ 2 айға жететін дәрі-дәрмек қоры жасақталған, 40-тан астам дәрі қоймасы мен 800-дей дәріхана бар, – делінген әкімдіктің хабарламасында.
