Францияда Президент сайлауының бірінші туры аяқталды. Қазіргі мемлекет басшысы Эммануэль Макрон 27,6 пайыз жинап, аздаған басымдықпен көш бастап тұр. Ал, оңшыл марин Ле Пен де қалысар емес. Ол, 23,4 пайыз дауыс жинаған. 2017-і жылы дәл осы екі үміткер Президенттік лауазым үшін таласқан еді.
Макрон мен Ле Пен екінші турға өтті. Дегенмен, осы жолғы Президент сайлауында дауыс берушілер аз. Содан болар, еш үміткер 30 пайыздық межеден аспады. Сайлауға дейінгі сауалнамаларда Макронды қолдаушылар Ресейдің Украинаға шабуылынан кейін күрт артып кетті. Себебі, Марин Ле Пен Путиннің досы екендігі және өз сайлауалды компаниясы үшін Ресейден ақша алғаны жасырын емес. Макрон болса, Ле пеннен қауіптеніп, өз жақтастарын оңшылдарға қарсы күресуге шақырды.
Эммануэль Макрон – Франция президенті:
«Мен бүкіл франциялықтарды екінші турда маған дауыс беруге шақырамын. Біз оңшылдарды бұғаттап тастауымыз керек. Алдағы 15 күнде бірігейік, айналамызды үгіттейік. 24-і сәуірде жаңа франциялық және еуропалық дәуірдің басталуына атсалысайық».
Қағаз жүзінде басты фавориттердің бірі болып саналған тағы бір оңшыл үміткер Эрик Земмур небәрі 8 пайыз дауыс жинап, екінші турға өте алмады. Земмур да өзінің мұсылмандарға және өзге де иммигранттарға қарсы қозғалысымен көзге түсті. Енді Земмур бірінші турдан кейін өзінің жақтастарын енді Марин ле Пенге дауыс беруге шақырды.
Эрик Земмур – оңшыл үміткер:
«Менің Ле Пенмен келіспеушіліктерім бар. Ол туралы айтқым келмейді. Бірақ, оның алдында елге 2 миллион босқынды кіргізген адам бар. Макрон өзінің сайлауалды компаниясы кезінде ұлттық құндылықтар, қауіпсіздік және иммиграция туралы ештеңе демеді. Енді маған дауыс бергендердің барлығы Ле пенге дауыс берсін».
Естеріңізге сала кетсек, 2017-і жылғы дәл осы Макрон мен Ле пен арасындағы ақтық сында қазіргі президент өз қарсыласына еш мүмкіндік қалдырмаған еді. Ал бұл президент сайлауындағы соңғы нәтижені Конституциялық кеңес 13 сәуірде жария етеді. Ал екінші кезең 24 сәуірге белгіленген. Демек жаңа президенттің есімі тек ай соңында белгілі болмақ
