Норвегияда «Гринпис» ұйымының 20 белсендісі ресейлік Усть-Луга мұнай танкерін тоқтатпақшы болған. Бірақ, полиция белсенділерге кедергі келтіріп, оларды қамауға алды. Усть-Луга танкері ел астанасы Ослоға мұнай тасымалдап келе жатқан. Белсенділер, Норвегия үкіметінен Ресей мұнайын сатып алуды тоқтатуын талап етті. «Усть-Луга» кемесі Гонконгта тіркелген, бірақ, «НОВАТЭК» компаниясына тиесілі. Бірақ, норвегиялық компания бұған соғыс басталмай тұрып, шартқа отырғанын және алдағы уақытта мұнай алуды тоқтататынын мәлімдеді.
Фроде Плейм – «greenpeace – norway» ұйымының басшысы:
«Ресей мұнайын сатып алу – Путиннің Украинадағы агрессиясына ақша беру. Бұл экспорт Ресей үшін өте маңызды. Ал, Норвегия үшін масқара. Сол үшін біз шұғыл түрде мұнай сатып алуды тоқтатуды талап етеміз».
