484 нысаннан 618 ақау анықталды. Түркістан өңірінде былтыр салынған жолдардан осыншама кем-кетік шыққан. Әсіресе, аудандық жолдардан алынған сынамалардың 35 пайызы нормаға сай емесін көрсеткен. Бұл- тікелей жергілікті тұрғын- үй коммуналды шаруашылығы, жол бөлімі мамандарына байланысты.
Елімізде аталған салада 1 жарым мыңдай адам жұмыс істейді. Соның 10 пайызында ғана тиісті диплом бар. Яғни аудандардағы инфрақұрылымға жауап беретін мамандардың 90 пайызында жол құрылысына қатысты техникалық білімі немесе кәсіби тәжірибесі жоқ. Сондықтан «Жол активтері ұлттық сапа орталығы» әр өңірдегі аудан, қалалардағы мамандарды оқытуды қолға алды. Бүгін олар Шымкент қаласы мен Түркістан облысында семинар өткізді. Орталықтың материалдық техникалық базасымен, зертхана жұмысымен таныстырды.
