Майнинг саласы мемлекет қазынасына 5 миллиард теңге табыс әкелуі мүмкін. Бұл болжам майнинигтік компаниялар 1 киловатт электр энергиясы үшін 1 теңгеден төлеген жағдайда орындалмақ. Бұл туралы Kazakhstan Blockchain Day форумында Мәжіліс депутаты Сапар Ахметов хабарлады. Оған дейін де мемлекет басшысы мамандарға криптожүйені бақылауды тапсырған еді. Бұған дейін ешқандай заң жүйесінсіз жұмыс істеп келген криптовалюта жағдайы қалай болмақ? Тілші тарқатады.
Әлішер Ахметовтің криптожүйені пайдасына жаратып жүргеніне бірнеше жылдан асқан. Бұл ісін өзі қызығушылық деп біледі. Айтуынша, елімізде тоқ көзі өте арзан. Сондықтан қызығушылар да көп. Десе де бүгінге дейін бір тиын төлемей майнинг өндіріп жүргендер үшін енді салық міндеттелуі мүмкін. Әлішердің бұған көзқарасы түзу. Тіпті, біздің елдегі баламалы тоқ көзін пайдалынып үлкен криптовалютаны өзімізде өндіруге болады деген ұсынысы бар.
Әлішер Ахметов, майнинг салымшы:
«Майнинг дейміз ғой, ол көп тоқты талап етеді. Біздегі тоқтардың көбісі Жылу Электр стансасынан және Су электр стансасынан. Көп бөлігі Қарағанды облысында, Солтүстік Қазақстан облысында ЖЭС қасында орналасқан. Яғни олар көмірді жағ,у арқылы арзан тоқ көзіне алып жатыр. біздегі қазіргі ұсыныстар 1 киловат үшін 1 теңге төлеу керек. Бір компания күніне 1 мегабат тоқ көзін пайдаланса, 1000 теңге салық төлейді деген сөз».
Мемлекет басшысы Қасым-Жомарт Тоқаев қаржы мамандарын жинап еліміздегі криптовалюта өндіруді бақылауды тапсырған еді. Президент болашақта цифрлы ақшаның құны қолма-қол ақшамен тең болатынын айтты.
Қасым-Жомарт Тоқаев, ҚР Президенті:
«Криптовалюталар объективті фактор болып табылатындықтан, оларды елеусіз қалдыруға болмайды. Олардың ағымдағы қаржы жүйесіне әсер етуі мен тәуекелдерін байсалды түрде бағалау қажет. Сондықтан елімізде крипто-биржаларды құру үшін теңгерімді нормативтік-құқықтық ортаны қалыптастыру бойынша жұмысты қайта бастау керек. Әйтпесе біз критавалюта өндіруден әлем бойынша екінші орында тұрғанымызбен, мемлекет үшін іс жүзінде қаржылық қайтарымды көрмей отырмыз»
Есептесек, бір күнде 1 мегабайт тоқ көзін пайдаланатын майнинг салымшы айына 30 мың теңге салық төлейді. Мамандардың пайымдауынша, елімізде майнингке шамамен 80 миллиард теңге инвестиция құйылған. Бұл дегеніміз майнинг салымшылардың саны көп. Ал экономист Мақсат Халық салымшыларға салық төлетуді о бастан бастау керек еді, дейді. Себебі, айына 25 млн теңгедей өндіріп отқан қазақстандықтар өкіметке бір тиын төлемей келген.
Мақсат Халық, экономист, сарапшы:
«Әзірге 1 киловатқа 1 теңгедене бекітіліп отыр. Егер де бұған салық салық салынатын болса және криптовалютамен айналысатындарға да салық салынатын болса, онда сөз жоқ. Бұл – мемлекеттік бюджетке зор табыс болып келеді».
Күні кеше өткен Kazakhstan Blockchain Day форумында мәслихат депутаты Сапар Ахметов те заң жобасы дайын болса мемлекетке зор табыс түсетінін айтты. Әзірге цифрлық теңгені айналымға енгізу мәселесі талқылану үстінде. Жағдайдың қалай болары келер жылы белгілі болмақ.
