Redactor
Конституция тек мемлекеттің құрылымын айқындайтын құқықтық құжат емес, сонымен бірге қоғам мүшелерінің ортақ жауапкершілігін қалыптастыратын маңызды негіз. Әр азаматтың заңды құрметтеуі, қоғамдық тәртіпті сақтауы және ел дамуына үлес қосуы – мемлекеттілікті нығайтудың маңызды шарттары.
Бұл ретте азаматтық жауапкершілік күнделікті өмірдегі қарапайым әрекеттерден басталады. Қоғамдық мүлікті қорғау, қоршаған ортаға жанашырлық таныту, салықтық міндеттемелерді орындау, өзгенің құқығына құрметпен қарау – құқықтық мәдениеттің нақты көрінісі.
Түркістан облысында «Таза Қазақстан» жалпыұлттық экологиялық бастамасы, жастарды қоғамдық жұмыстарға тарту және еріктілік қозғалысын дамыту бағытында атқарылып жатқан жұмыстар азаматтық белсенділіктің маңызын көрсетеді.
Елдің болашағы – заңды құрметтейтін, міндетіне адал әрі қоғам игілігі үшін еңбек ететін жауапты азаматтардың қолында.
