saqnews.kz
«Таза Қазақстан» республикалық экологиялық акциясы аясында Шардара ауданы аумағындағы жағажайлар мен демалыс орындарында санитарлық тазалықты сақтау мақсатында рейдтік бақылау шаралары ұйымдастырылуда. Аталған жұмыстар аудан әкімі Арман Қарсыбаевтың тапсырмасына сәйкес жүзеге асырылып отыр.
Рейд барысында қоғамдық орындардағы тәртіп пен тазалықты бақылау күшейтілді. Нәтижесінде, санитарлық талаптарды бұзған бір азамат анықталып, оған Қазақстан Республикасының Әкімшілік құқық бұзушылық туралы кодексінің 434-2-бабы бойынша әкімшілік айыппұл салынды.
Рейдтік топ құрамына жергілікті атқарушы органдардың өкілдері, табиғатты қорғау мекемелерінің мамандары, сондай-ақ басқа да мүдделі ұйымдар тартылды.
Аталған іс-шаралар жаз мезгілі бойы тұрақты түрде өткізіліп, қоғамдық мәдениетті арттыру және табиғи аумақтарды таза ұстау бағытында жүйелі жұмыс жүргізілетін болады.
