Түркістан облысында полицейлер жол қауіпсіздігін қамтамасыз ету мақсатында заманауи технологияларды тиімді пайдалануда. Келес ауданында жүргізілген профилактикалық іс-шара кезінде дрон арқылы жол қозғалысы ережесін өрескел бұзған жүргізуші анықталды.
Полиция қызметкерлері ұшқышсыз ұшу аппараты Жібек жолы – Жетісай трассасында Mitsubishi автокөлік жүргізушісінің қарсы бағытқа шыққанын тіркеді. 29 жастағы көлік жүргізушісі жол қозғалысының өзге қатысушыларына қауіп төндіретін әрекетке барған. Жүргізілген бақылау мұндай қауіпті фактілерді дер кезінде анықтап, жол-көлік оқиғасының алдын алуға мүмкіндік берді. Оған қатысты заңға сәйкес шара көріліп, түсіндірме жұмыстары жүргізілді.
Сонымен қатар рейдтік іс-шаралар барысында мас күйінде көлік басқару, заңсыз жолаушы тасымалдау, мемлекеттік тіркеу нөмірінсіз көлік жүргізу және басқа да жол қозғалысы ережелерін бұзудың 65 фактісінің жолы кесілді. Жалпы профилактикалық жұмыстардың нәтижесінде 7 автокөлік арнайы тұраққа қойылды.
Полиция жол қозғалысына қатысушыларды жол ережесін қатаң сақтауға және өз қауіпсіздігі мен өзге азаматтардың өміріне жауапкершілікпен қарауға шақырады.
Түркістан облысы ПД баспасөз қызметі
#ЗАҢМЕНТӘРТІП
#АДАЛАЗАМАТ
ПОЛИЦЕЙЛЕР ЖОЛ ҚАУІПСІЗДІГІН ҚАМТАМАСЫЗ ЕТУ МАҚСАТЫНДА ЗАМАНАУИ ТЕХНОЛОГИЯЛАРДЫ ТИІМДІ ПАЙДАЛАНУДА
Redactor
1 мин оқу
40
