Келес аудандық полиция бөлімінің қызметкерлері тұрғындарды интернет-алаяқтықтан сақтандыру мақсатында профилактикалық іс-шара өткізді.
Полицейлер аудан аумағындағы адам көп шоғырланатын орындардың бірі мешіттерді аралап, тұрғындармен кездесіп, «Кибералаяқтық: алдын алу, қорғау, жауапкершілік» тақырыбында түсіндіру жұмыстарын жүргізді.
Кездесу кезінде 200 –ге жуық тұрғынға интернет-алаяқтарының жиі қолданатын айла-тәсілдері туралы жан-жақты ақпарат беріліп, жеке деректерді, банк картасының нөмірі мен құпия кодтарын бөгде адамдарға бермеу, күмәнді сілтемелерге өтпеу, белгісіз нөмірлерден келген қоңыраулар мен хабарламаларға сақтықпен қарау қажеттігі түсіндірілді.
Сонымен қатар тұрғындарға кибералаяқтықтың алдын алу бойынша ақпараттық жадынамалар таратылып, алаяқтық әрекеттерге тап болған жағдайда дереу полицияға хабарласу қажеттігі ескертілді.
Түркістан облысы ПД баспасөз қызметі
ҚР Ішкі істер министрлігі / Министерство внутренних дел РК
