Қарағандыны қарғын су басты. Коммуналдық қызмет мамандары түні бойы суды тоқтатуға тырысқан. Алайда толассыз келіп жатқан су үйлердің жертөлесі мен үйлердің ішіне дейін кіріп кеткен.
Сондай ақ қардың қарқынды еруінен аймақтың Қарқаралы және Бұқар Жырау аудандарындағы автожолдардың екі учаскесін су басты. Осыған байланысты Ботақара мен Петровка елдімекендері тұсынан көлік қатынасы тоқтады. Ал бүгін таңертең су деңгейінің түсуіне байланысты жол учаскелері қайта ашылды. Аймақтың Төтенше жағдайлар департаментінің жедел штабына аула аумақтарын су басу қаупі туралы 82 хабарлама келіп түскен. Қарағанды облысында 158 су тасқыны қаупі бар елді мекендерде 4474 тұрғын үй мен аула аумақтары бақылауға алынды.
