Тіптен кейбірі каналдың суын тұтынуға мәжбүр. Түйткілді мәселе 2025 жылға дейін түбегейлі шешілуі тиіс. Президенттің тапсырмасы — осындай. Тоқпағы қатты болған соң, қазір саладағы жұмыстар жүйеленіп, көрсеткіш жыл өткен сайын жоғарылап келеді.
Келес ауданындағы шекараны жағалай қонған Қауыншы мен Ақжол ауылдарында 7 мыңға жуық адам тұрады. Қос елді мекен тұрғындарын толғандырған жалғыз түйткіл бар. Ол — ауыз су мәселесі. Отыз жылдан бері өңір халқы қара суды сатып алып ішеді. Тоннасы 1000 теңгеден. Кейбірі қаражаты қалмағанда Өзбекстаннан ағып келетін каналдың суын тұтынуға мәжбүр болады екен.
Шахзода Жураева, ауыл тұрғыны:
«Ол үй бұл үй арасында арқаланып, суды тасып ішіп отырмыз. Оны тағы 5 мыңға құямыз. Қысы жазы қиналамыз. Қалтамызға қараймыз. Ақша болмаса , каналдан тасимыз».
Сейілхан Иманбердиев, ауыл тұрғыны:
«Айтылады. Барлығы істелінеді. Екі-үш жылға жоспарланды. Содан «әне-міне істелінедімен» міне 2020 жыл болды. Әлі істелінбеді ештеңе».
Қазақстандағы 2 мыңға тарта ауылдың ахуалы осы тектес. Алайда, 2025 жылға дейін бұл мәселе түбегейлі шешілуі тиіс. Өйткені бұл іс Президенттің тікелей бақылауында. Осы мақсатта биыл 148 ауыл орталықтандырылған ауыз су жүйесіне қосылады. Тағы тұрғын саны 200-ден аспайтын 220 елдімекенде блок модуль орнату жоспарда.
Бейбіт Атамқұлов – ҚР Индустрия және инфрақұрылымдық даму министрі:
«Қазіргі уақытта Батыс Қазақстан, Атырау, Түркістан, Алматы, Жамбыл, Қарағанды, Шығыс Қазақстан, Ақмола Ақтөбе облыстарындағы 85 ауылда гидрогеологиялық жұмыстар атқарылу тиіс. Сондай ақ тұрғын саны 200-ден аспайтын 170 елдімекеннің су қорын барлау жұмыстары жүргізілуі тиіс».
Ауыз сумен қамту көрсеткіші бойынша Қостанай, Жамбыл, Шығыс және Солтүстік Қазақстан облыстары көш соңында қалып келеді. Үкімет басшысы аталған өңір басшыларына жұмысты ширатуды тапсырды. Жүйелі істің нәтижесінде биыл біршама белес бағындырылмақ.
Асқар Мамин, ҚР Премьер-министрі:
«Осы жылдың қорытындысы бойынша ауыз сумен қамту көрсеткіші ауылдарда 91,8 пайыз, қалаларда 98 пайыз болады. Сонымен қатар қалған ауылдық елді мекендерді сумен қамтамасыз ету жұмыстары жалғасады».
Аталған көрсеткішті 100 пайызға жеткізу үшін тағы 453 ауылдың жобалық сметалық құжаттамасы әзірленуі тиіс. Ол үшін белгіленген соңғы меже 2023
