Түркістан облысы құрылғалы бері 2018-2021 жж. аралығында 4 926,8 шақырым жол мен көше немесе 2 455 нысан (20 көпір) құрылыс-жөндеу жұмыстарынан өтіп, пайдалануға берілген. Жалпы, өңірдегі облыстық және аудандық маңызы бар автомобиль жолдары мен елді мекен көшелерінің ұзындығы – 17 682 шақырым.
2018-2020 жж. аралығында жақсы және қанағаттанарлық жағдайдағы облыстық және аудандық маңызы бар автомобиль жолдарының үлесі 64,4%-дан 79%-ға дейін артып, ағымдағы жылы нысаналы индикатор көрсеткішін 87%-ға дейін жеткізу көзделуде. Жаңадан салынған жолдардың сапасын Ұлттық сапа орталығы тексереді.
Айта кету керек, оңтүстік өңірде бертінге дейін асфальт шығаратын зауыт атымен болмаған. Тек 2019 жылы Жетісай, Мақтаарал, Келес секілді үш ауданда бірден қуаттылығы сағатына 280 тонна асфальт шығаратын зауыт құрылған. Қазіргі таңда Түркістан облысы аумағында 45 асфальт зауыты (қуаттылығы 6020 т/сағ) жұмыс істейді. Соның ішінде қуаттылығы сағатына 520 тонна асфальт шығаратын 5 зауыт «Түркістан индустриалды аймағына» кірсе, қала аумағында қуаттылығы сағатына 890 тонна асфальт өндіретін тағы 4 зауыт бар.
Сонымен қатар, жыл сайын тамыз-қыркүйек айларында облыс аумағында жол битумының тапшылығына байланысты, мердігер мекемелер тарапынан 10 жерде битум сақтау орындары ұйымдастырылған. Онда жалпы 10 000 тоннаға дейін битум сақталады.
Түркістан облысының Өңірлік коммуникациялар қызметі
