Төрт жылдан кейін Париж қаласында өтетін олимпиада ойындарында ұсынылатын спорт түрлерінің тізімі жарияланды. Анықталғандай, олимпиада ойындарының ресми сайты жариялаған тізімнен карате, бейсбол, софтбол секілді спорт түрлері алынып тасталған. Оның орнына спорттың жаңа түрі – брейк-данс қосылды.
Халықаралық Олимпиада комитеті 2024 жылғы Париж Олимпиадасына қатысатын спортшылар үшін тиісті квоталарды және спорттың жаңа түрлерін интеграциялауды, сондай-ақ іс-шара бағдарламасын растады. Ұйымдастыру комитеті бағдарламаның нақты және өзгермейтіндігін мәлімдеді. Ал, Бүкіләлемдік карате федерациясының президенті Антонио Эспиноса каратенің Олимпиада ойындарына тұрақты түрде қосылуы керек екенін айтты.
Айта кетейік, 2024 жылдың 26 шілдесінде Париж қаласында салтанатты түрде Олимпиада ойындарының ашылуы болады.
Париж-2024: Тізімнен 3 спорт түрі алынды
1 мин оқу
29
