Қазақстан Президенті Қасым-Жомарт Тоқаевтың Анкара қаласында өткен Түркі мемлекеттері ұйымының (ТМҰ) саммитіндегі мәлімдемелері еліміздің сыртқы саясаттағы дербес ұстанымы мен прагматикалық бағытын көрсетті.

Түркия Президенті Режеп Тайип Ердоғанның АҚШ Президенті Дональд Трамптың өңір басшыларына деген ықыласы туралы сөзін жеткізуіне орай, Тоқаев бұл мәлімдемеге қатысты әзілге толы, әрі астарлы жауап беріп, мұндай сөздерге ерекше мән бермейтінін аңғартты.
Мемлекет басшысы Қазақстанның АҚШ, Қытай және Ресеймен қарым-қатынасты өзара теңдік пен ұлттық мүдде қағидаттары негізінде қалыптастыратын дербес мемлекет екенін атап өтті. Қазақстанның егемендігі мен тәуелсіз сыртқы саяси бағыты Орталық Азиядағы экономикалық әлеуеті мен көшбасшылық орнымен де сабақтас. Болжам бойынша, 2026 жылы елдің жалпы ішкі өнімі 400 миллиард долларға жуықтауы мүмкін.