Құрметті кентаулықтар!
Еліміздің қоғамдық-саяси өміріндегі маңызды қадамдардың бірі – Құрылтай сайлауы. Бұл – халықтың ұсыныс-пікірін білдіруге, ел дамуына үлес қосатын азаматтарды таңдауға мүмкіндік беретін маңызды үдеріс.
Әрбір азаматтың дауысы – ел болашағына қосылған үлес. Сондықтан сайлауға немқұрайлы қарамай, өз таңдауымызды жасау – ортақ жауапкершілігіміз.
Құрылтай мүшелерін таңдау арқылы біз қоғамдағы өзекті мәселелерді көтеретін, халықтың үнін жеткізетін белсенді азаматтарды қолдаймыз.
Еліміздің ертеңі – бүгінгі таңдаудан басталады. Баршаңызды Құрылтай сайлауына белсенді қатысып, азаматтық ұстанымыңызды білдіруге шақырамыз!
Бірлікпен жасалған таңдау – жарқын болашақтың кепілі!
