Redactor
Құрылтай депутаттарын сайлау алдындағы үгіт-насихат науқаны аясында саяси партиялар еңбек ұжымдарымен кездесулерге басымдық беріп отыр. Өндіріс орындары, мемлекеттік мекемелер мен кәсіпорындар партиялардың сайлауалды бағдарламаларын таныстыратын негізгі алаңға айналды.
«Әділет» партиясы Қарағанды облысындағы Qarmet АҚ қызметкерлерімен кездесіп, өндірісті жаңғырту, еңбек қауіпсіздігі және жұмысшы кадрларды даярлау мәселелерін көтерді. Қазақстанның Халық партиясы цифрлық қызмет көрсету саласының мамандарымен кездесіп, мемлекеттік қызметтердің сапасы мен цифрландыру бағытындағы ұсыныстарын таныстырды.
Осылайша, сайлауалды науқанның өндірістік бағыты күшейіп, партиялар еңбек адамдарының қолдауына ие болу үшін нақты экономикалық және әлеуметтік бастамаларын ұсынуға басымдық беруде.
