Жетісай аудандық полиция бөлімінде жастардың құқықтық сауаттылығын арттыру, құқық қорғау органдарының қызметімен таныстыру және полиция мамандығына қызығушылықты қалыптастыру мақсатында «Ашық есік күні» өтті.
Аудандық «Жастар ресурстық орталығының» мамандары және Ғ. Мұратбаев атындағы педагогикалық колледжі мен медицина колледжінің студенттері қатысқан шарада студенттер тергеу, анықтау және жедел-криминалистикалық бөлімшелердің қызметімен танысып, полиция қызметкерлерінің күнделікті атқаратын жұмыстары туралы ақпарат алды.
Кездесу барысында полицейлер жастарға Қазақстан Республикасының Конституциясына енгізілген өзгерістер мен толықтырулар, сондай-ақ Қылмыстық кодекске енгізілген жаңа қылмыстық құқық бұзушылықтар, оның ішінде сталкинг пен некеге тұруға мәжбүрлеуге қатысты заң талаптарын жан-жақты түсіндірді.
Түркістан облысы ПД басасөз қызметі
Түркістандық полицейлер студент жастарға қызметтің қыр-сырын таныстырды
