«Таза Қазақстан» экологиялық акциясы және «Заң мен Тәртіп» қағидаты аясындағы мониторинг жұмыстары жалғасуда
Аудан әкімінің орынбасары Қ.Сейтқұлдың төрағалығымен «Таза Қазақстан» экологиялық акциясы және «Заң мен Тәртіп» қағидаты аясында аудан аумағындағы кәсіпкерлік нысандарда санитарлық тазалық пен абаттандыру талаптарының сақталуына бағытталған кезекті мониторинг жұмыстары жүргізілді.
Аралау барысында бірқатар кәсіпкерлік нысандарының иелеріне анықталған кемшіліктер бойынша түсіндірме жұмыстары жүргізіліп, санитарлық тазалық талаптарын сақтау жөнінде ескертулер берілді.
Тазалық – баршаға ортақ жауапкершілік. Осыған байланысты барлық кәсіпкерлер мен аудан тұрғындарын өздеріне тиесілі аумақтардың тазалығын сақтап, ауданның көркеюіне бірлесе атсалысуға шақырамыз.