Продюсер Мөлдір Мұқанова журналист Жанар Байсемізге берген сұхбатында жеке өміріне қатысты алғаш рет ашық пікір білдіріп, әзілкеш Тұрсынбек Қабатовпен арада ажырасу болғанын растады. Оның айтуынша, бұл мәселе жөніндегі әңгімелер осыдан 14 жыл бұрын басталғанымен, өзі осы кезге дейін бұл туралы БАҚ-та пікір білдірмеген.
Сұхбат барысында Мұқанова өткен кезеңдегі қиындықтарды еске алып, эмоционалдық жағдайымен де бөлісті. Оның сөзінше, ол некеде адалдыққа қатысты қиын сәттерді бастан өткергенін айтқан.
«Көңілдесі бар екенін білдім. Маған өте ауыр болды. Тіпті өмірмен қоштасуды да ойладым. Бір күні “Ажырасамыз ба?” деген хабарлама келді», — деді ол.
Продюсер сонымен қатар балаларының әкесімен қатынасы туралы ойымен бөлісті. Оның айтуынша, балалар әкесін сағынып, онымен байланыс орнатуға тырысып жатады.
«Балалар жылайды, әкесін сағынады. Кейде өзім де жазамын, кездескім келеді. Бірақ Тұрсынбек кешірім сұрап келмеді», — деді ол.
Жанар Байсеміздің айтуынша, сұхбат барысында эмоциялық сәттер орын алып, екі тарап та көз жасына ерік берген.
Аталған сұхбат әлеуметтік желілерде қызу пікірталас тудырып, қолданушылар түрлі көзқарас білдіруде.
