Бүгін Түркістан облысы әкімдігінің ұйымдастыруымен Түркістан қаласында Қолөнершілер қалашығы мен «TURKISTAN WORLD CRAFT FEST-2025» халықаралық қолөнершілер көрмесінің салтанатты ашылуы өтті. Көрме аясында шетелдік 100-ден аса қолөнер шебері Түркістанға келді. Фестиваль жалғасы Достық үйінде «Түркістан қолөнер мұрасы және туризімнің болашағы» атты халықаралық қолөнершілер форумына ұласты. Қазақстандық және шетелдік ұйым басшылары бас қосқан форумға Азия-Тынық мұхиты аймағы бойынша Дүниежүзілік қолөнер кеңесінің вице-президенті Айдархан Калиев модератор болды.
Форумның мақсаты – отандық қолөнершілерге шетелдік шеберлермен тәжірбие алмасуға, өнімдерін халықаралық деңгейде насихаттауға және жаңа серіктестік байланыстар орнатуға мүмкіндік жасау. Халықаралық қолөнершілердің басын біріктірген айтулы жиынға 70-тен астам шетелдік қонақ, түрлі ұйым өкілдері, қолөнершілер қатысты.Жиында Түркістан облысы әкімінің бірінші орынбасары Зұлпыхар Жолдасов қатысушыларды форумның ашылуымен құттықтады. Өңірде туризммен бірге қолөнер саласын дамытуға күш салынатынын жеткізді.Форумда «World Craft Council» ұйымының құрметті елшісі Азиз Муртазаев, Түркия Республикасының Түркістан қаласындағы бас консулы Левент Гуркан, Қазақстан Республикасы Парламент мәжілісінің депутаты Нурумова Гульдара, Қазақстан Республикасымәдениет және ақпарат вице-министрі Айбек Сыдықов, Тараз қаласының әкімі Бақытжан Орынбеков, Дәстүрлі қолөнер және инновация саласындағы ЮНЕСКО-ның Дүниежүзілік мұра кафедрасының бас төрағасы профессор Ченг Пинг (Гуанжоу, Қытай) сөз сөйлеп, маңызды бастамалар көтерді. Сонымен бірге ТҮРКСОЙ халықаралық ұйымындағы Қазақстан Республикасының өкілі Нышанқұл Қаратаева, Анкара музыка және бейнелеу өнері университетінің профессоры Рухи Конак, Орта Азия қолөнер ұйымының президенті Эльдар Аттакуров, Тәжікстан қолөнер шеберлері одағының президенті Абдукаххор Хамдамов, Қолөнершілер палатасының президенті Дәмелі Жанашева, «Turkistan qoloner» қауымдастығының президенті Индира Икапова да спикерлер қатарынан табылды.Форумда сөз алған қатысушылар баршаны ұлттық өнерді ұлықтауға шақырды. Түркістанды халықаралық деңгейде ірі туризм орталығына айналдыру, қолөнерді жамыту бағытындағы идеяларын ортаға салды.
Айта кетейік, 2025 жылы 24-наурызда WCC INTERNATIONAL шешімімен Түркістан қаласына “Халықаралық қолөнершілер қаласы” атағы берілген болатын. Қазіргі таңда облыста 130-дан астам қолөнерші еңбек етуде. Түркістанда Қолөнершілер орталығы ресми түрде ашылды.Түркістан облысы әкімінің баспасөз қызметі
