saqnews.kz
Қазақстан – көпұлтты, көпконфессиялы мемлекет. Мұнда түрлі этностар бір тудың астында бейбіт өмір сүріп, өз мәдениеті мен дәстүрін сақтай отырып, ортақ құндылықтарды дәріптейді. Бұл – елдің басты байлығы.
Солардың бірі – қазақтың кеңпейілдігі мен қонақжайлығын ерекше құрметтейтін өзге ұлт өкілдері. Бүгінде елімізде әртүрлі ұлттың өнер иелері қазақ тілінде еркін сөйлеп, ән шырқап, ұлттық мәдениетке үлес қосып келеді.
Соның айқын дәлелі – орыс қызы Софияның жүрекпен айтқан мына жыр жолдары:
«Алып тұлға байсалды,
Манаураған Алатау,
Қызыл-жасыл гүлдерің,
Алаулаған Алатау».
Бұл тек ән ғана емес, халқымыздың кең даласына, асқақ Алатауына деген ілтипат пен құрметтің белгісі. Мұндай шығармашылық туындылар ел ішіндегі татулық пен достықтың, өзара сыйластықтың көрінісі.
Қазақстан халқы Ассамблеясы да осы бағытта тұрақты жұмыс жүргізіп келеді. Әр ұлттың мәдениеті мен тіліне құрмет көрсету – қоғамдағы бейбітшілік пен келісімнің кепілі.
Бірлігіміз – байлығымыз!
#Достық_пен_келісім
#дружба_и_согласие
