2025 жылғы 5 тамыз күні Шардара ауданы әкімінің орынбасары Б. Төребеков, ішкі саясат бөлімінің басшысы Е. Нұрахов және Шардара қаласы әкімінің орынбасары Б. Сүйет қала тұрғындарымен кездесу өткізіп, уақытша су тапшылығы мәселесіне байланысты түсіндіру жұмыстарын жүргізді.
Қаладағы көпқабатты тұрғын үйлердің тұрғындарына арнайы барып, аталған мәселенің уақытша сипатта екенін және қазіргі уақытта қаланы тұрақты ауыз су көзіне қосу жұмыстары қарқынды жүргізіліп жатқанын түсіндірді.
Сонымен қатар, ауыз суды арнайы орнатылған су жинау ыдыстарынан тәулік бойы алу мүмкіндігі бар екені атап өтілді. Халықты қолайсыздықтарға түсіністікпен қарауға және туындаған жағдайға сабырлық танытуға шақырды.
Шардара ауданы әкімдігі мәселені тез арада шешу үшін барлық қажетті шараларды қабылдауда.
Шардара ауданы әкімінің баспасөз қызметі
