Бүгін Түркістан облысы әкімі аппаратының басшысы Еркебұлан Дауылбаев Шардара ауданына арнайы іссапармен келіп, ауданда жүзеге асырылып жатқан бірқатар құрылыс және инфрақұрылымдық жобалардың барысымен танысты.
Іссапар барысында аудан әкімі Арман Қарсыбаев ауданда туризмді дамыту мақсатында қолға алынған жағажайға баратын жол құрылысымен таныстырды. Қазіргі таңда жолды тегістеп тас төсеу жұмыстары жүргізілуде. Сондай-ақ жоспарда жолға асфальт төсеп, жағажайға электр желісін тарту бар.
Мұнан соң, Шардара қаласындағы Өтеғұл шағын ауданында салынып жатқан 300 орындық жайлы мектептің құрылысын бақылап, мердегер «Ar Kua Group» ЖШС-не жобаның сапасы мен мерзімінде аяқталуын тапсырды.
Сапар аясында әлеуметтік бағыттағы нысандар да назардан тыс қалмады. Ж.Қолдасов көшесінде әлеуметтік осал топтарға арналған 10 тұрғын үйді аралап, олардың сапасына мән берді.
Сондай-ақ, «Таза Қазақстан» бағдарламасы аясында жүзеге асып жатқан №2 шағын аудандағы бұрынғы бей-берекет қоқыс орны болған жерді абаттандыру жұмыстарымен танысып, ұсыныс пікір білдірді.
Аралау барысында «Болашақ» шағын ауданында жеке инвестиция есебінен салынып жатқан 5 қабатты 60 пәтерлі тұрғын үйдің құрылысымен танысып, сала мамандарымен жобаның сапасы, инженерлік желілермен қамтылуын пысықтады және инвесторға үйдің сапасына мән беруді тапсырды. Сондай-ақ инженерліік жүйелермен қамтылуын пысықтады.
Бұл сапар Түркістан облысы бойынша атқарылып жатқан мемлекеттік бағдарламалар мен инфрақұрылымдық жобалардың тиімді жүзеге асуын бақылауға бағытталған. Облыс әкімі аппаратының басшысы Е.Дауылбаев аталған жобалардың уақытылы, әрі сапалы аяқталуы – тұрғындардың өмір сүру сапасын арттырудың маңызды факторларының бірі екенін атап өтіп, нысандардың құрылысы бақылауда болатынын жеткізді.
Шардара ауданы әкімінің баспасөз қызметі
и ещё 8
Жиенбек Талипов и другие
