Бүгін, 4 маусым күні, Қазақстан Республикасының Мемлекеттік рәміздер күніне орай Шардара ауданы N16 колледжінде патриоттық рухты көтеруге бағытталған ерекше флешмоб ұйымдастырылды. Бұл шараның басты мақсаты – Елтаңба, Ту және Әнұран сияқты мемлекеттік рәміздерге деген құрмет пен сүйіспеншілікті арттыру.
Флешмоб барысында колледж ұжымы мен студенттері көк Туымызды желбіретіп, елдің жүрегінен орын алған Мемлекеттік Әнұранды хормен орындады. Жас ұрпақтың бойында отансүйгіштік рухты оятуға, еліміздің тәуелсіздігін, тұтастығы мен бірлігін дәріптеуге бағытталған бұл бастама қатысушылардың жүрегінен ерекше орын алды.
Мемлекеттік рәміздер – бұл халқымыздың тарихы мен тағдырын, болашаққа деген сенімін бейнелейтін асыл құндылықтар. Ту – азаттығымыздың нышаны, Елтаңба – елдігіміздің айғағы, Әнұран – рухымыздың үні. Осы қасиетті белгілер әрбір азаматтың жүрегінде мақтаныш сезімін ұялатып, елге, жерге деген сүйіспеншілікті нығайтады.
Осындай мазмұнды әрі тәрбиелік маңызы зор шаралар арқылы колледж ұжымы жас буынның бойында мемлекеттік рәміздерге деген құрметті қалыптастырып, патриоттық сана мен ұлттық бірлікті нығайтуға өз үлесін қосуда.
Мемлекеттік рәміздеріміз – Тәуелсіздігіміздің символы. Оларды қастерлеу – әрбір қазақстандықтың азаматтық парызы!
