saqnews.kz
Шардара ауданының Төтенше жағдайлар бөлімінің ұйымдастыруымен және аудандық Білім бөлімінің қолдауымен «Бала қауіпсіздігі – басты мақсатымыз!» атты кең ауқымды іс-шара өткізілді. Іс-шараға 300-ден астам оқушы қатысты.
Іс-шараға Шардара аудандық ақпараттық-танымдық газеті «Шартарап-Шарайна», қоғамдық-саяси, ақпараттық және жарнамалық бағыттағы «Өскен өңір» газеті мен «Сәт Медиа-Холдинг» ЖШС телеарнасы қатысып, шараның ақпараттық қамтылуын қамтамасыз етті.
Шараның негізгі мақсаты – балалардың қауіпсіздігін қамтамасыз етуге бағытталған. Атап айтқанда:
• Табиғи және техногенді сипаттағы төтенше жағдайлар кезіндегі іс-әрекет ережелерін түсіндіру;
• Судағы қауіпсіздік шаралары бойынша түсіндірме жұмыстарын жүргізу;
• Алғашқы медициналық көмек көрсету негіздерін үйрету.
Сонымен қатар, балаларға төтенше жағдайларда қолданылатын арнайы техника мен құрал-жабдықтар таныстырылып, олардың жұмыс істеу принциптері түсіндірілді.
Бұл іс-шара жас ұрпақтың қауіпсіздік мәдениетін қалыптастыруда және төтенше жағдайларға дайын болу дағдыларын дамытуда маңызды рөл атқарды.
Шардара ауданы әкімінің баспасөз қызметі
