Түркістан облыстық маңызы бар автомобиль жолдарының бойында 410 көпір орналасқан. Оның 378-інің жағдайы жақсы және қанағатты жағдайда болса, 35 көпір (20 күрделі, 15 орташа) жөндеуді қажет етеді. Ағымдағы жылы олардың 3-не күрделі жөндеу жұмыстары жүргізіліп, пайдалануға берілді.
Күрделі жөндеуді қажет ететін 6 көпірдің жобалау сметалық құжаты әзірлеуге қаржы қаралып, жобалау жұмыстары жүргізілуде. Жол жөндеу жұмыстарының сапасы авторлық, техникалық қадағалаушы мекемелердің және «Ұлттық жол активтері сапа орталығы» РМК тұрақты бақылауына қойылған. Одан бөлек, «Сапалы жол-Адалдық алаңы» жобасы аясында, ҚР Сыбайлас жемқорлыққа қарсы іс-қимыл Агенттігінің Түркістан облысы бойынша департаменті, «Нұр Отан» партиясының өкілдері, «Ұлттық жол сапасы орталығы» ТОФ, арнайы мониторингтік топ мүшелері, тұрғындар және БАҚ өкілдері тарапынан облыс аумағындағы жолдар мен елді мекен көшелеріндегі жөндеу жұмыстарының сапасына мониторинг жасалынуда.
