Оқиға Сарыағаш ауданындағы Құркелес ауылында болған. Мамандармен жүргізілген жедел-іздестіру іс-шаралар барысында жалған суррогат алкоголь өнімдерін шығаратын жасырын цех жойылды.
38 жастағы тұрғын белгілі арақ маркаларын жабыстырып, жұртты алдап келген. Оқиға орнын тінту барысында 930 есептік-бақылау маркасы, 2674 жарты литрлік түрлі бөтелке табылды. Бұдан бөлек, құрамында спирті бар 200 литр сұйықтық тіркеуге алында. Құю мен жасауға арналған этикеткалар, қақпақтар және басқа да заттар тәркеленді. Аталған жайт бойынша қылмыстық іс қозғалды
Әлімжан Сартбай, Түркістан облысы бойынша экономикалық тергеп-тексеру департаментінің басқарма басшысы:
«Аталған дерек Түркістан облысы бойынша экономикалық тергеп-тексеру департаментінің сотқа дейінгі тергеп-тексерудің біріңғай тізіліміне Қазақстан Республикасының қылмыстық кодексінің 233-бабы бойынша тіркелген. Қазіргі уақытта аталған азамат қатысты сот шешімі шыққан. Аталған азамат 1 жылға дейінгі шектеу мерзімімен бас бостандығынан айрылды».
