Шымкентте орталық стадиондағы жағдай сапасыз құрылыстан болуы мүмкін. Полицейлер аталған жайды тексеруді бастады. Естеріңізде болса, Ордабасы мен Ақсу арасындағы ойынның алғашқы минуттарында әкімшілік ғимаратының шатыры қатты желден жұлынып, алаңның ортасына түсті. Стадионда 7 мыңнан астам көрермен болған. Оқыс жағдайдан ешкім зардап шеккен жоқ. Төтенше жағдайға байланысты, ойын кейінге шегерілді. Стадионның шатырын бұған дейін де жел көтеріп, кейін қайта жаңартылғаны белгілі болды. Тіпті қаңтар айында ғана техникалық қадағалаудан, тәуелсіз сарапшылардың сынанан өткені анықталып отыр.
Шатыры ұшқан стадион бойынша тергеу басталды
1 мин оқу
29
