Биылғы қуаңшылық еліміздің батыс өңірлеріне ғана емес, сонымен қатар Түркістан аймағына да кері әсерін тигізді. Алқаптарда шөп бітік шықпай мал азығына сұранысты артып, алып-сатарлар бағаны өсіріп жіберді. Бір ғана Келес ауданы аумағында бүгінгі таңда 610 шаруа қожалығы мен 11 190 қосалқы шаруашылық мал өсірумен айналысады. Оларда 14 390 тонна жем-шөпке қажеттілік бар.
Келестік шаруалар төрт түлігін жыл он екі ай жайып, қысқа қамдануды білмейтін. «Тек қар қалың түскенде ғана 1-2 күн қолдан шөп беретінбіз», –дейді олар. Биылғы қуаңшылық кесірінен шөп бітік шықпай, мал азығы шарықтап кетті. Тіпті кейбір тұрғындар екі-үш есе қымбат жем-шөпті алуға шамасы келмеген соң, қолдағы мал басын азайтуды ұйғарған. Шаруаларды қос бүйірден қысқан қуаңшылық салдарын жоюға облыстық әкімдік кірісті. Енді фермерлер мал азығына несиені қаржы ұйымдары арқылы төмен пайызды мөлшерлемемен алуға мүмкіндік алды. Бүгінгі таңда өңірдегі мал шаруашылығымен айналысатын Бозай, Жамбыл және Бірлік ауылдық округінің 54 шаруасы мемлекеттік қолдауды алуға өтінім беріп үлгерді.
Әзімхан Құрал, Келес аудандық ауыл шаруашылығы бөлімінің маманы:
«Қазір 54 адам өтінім берген. Оның 15-і қаржысын алып үлгерді. Алдағы уақытта да қаржылай өтінімдер қабылдау жалғаса береді. Шарттары залогқа малы болса, қорасы болса, нақты ауыл шаруашылығымен айналысатын болса. 05,58-06,10 Келес ауданы шаруаларының барлыңына хабар берілген, нақты түсіндіру жұмыстары кәсіпкерлік палатасында – «Ырыс» микроқаржы ұйымының мамандары бар сол жерде түсіндіріп өтеді».
Өтінім беріп, аз пайызбен қаржы алған шаруалардың бірі – Жамбыл ауылдық округіндегі шаруақожалығының жетекшісі Нарынбай Мырзасейітов. Шаруаның бүгінде 200 ден аса қойы бар. Айтуынша, бұл фермерлерге деген мемлекетіміздің үлкен қолдауы, сондықтан ол мүмкіндікті тиімді пайдалануға асыққан.
Нарынбай Мырзасейітов, шаруа:
«Мемлекетіміз қазір жақсы жәрдем беріп жатыр. Жылдың, ауа-оайының қолайсыздығына байланысты жемге жәрдем берді. + 03,00-03,11 Біздің мына шөбіміз аямай бере берсек көктемге дейін жетпей қалуы мүмкін. Ал жемді жақсылап берсек шөпті де үнгемдей аламыз әрі қойлар да қоңды болып шығады».
Мемлекеттің қаржылай қолдауына ие болған шаруалардың ендігі жоспары төмендетілген несиеге алынған мал азығын көктемге дейін жеткізу. Және жаңа туылған төлдерді сату арқылы шығынды өтеу.
Жаппар Алтаев, шаруа:
«Әзіргі жағдайда мал өтпейді, Себебі-арық. Несиені 6 пайызбен беріп жатыр. Елбасыға рахмет. Ауыл шаруашылығы министріне рахмет. Жылдың аяғында қайтарамыз. Өнім береді ғой, сол төлдердің есебінен қайтарамыз деп сеніп отырмыз».
Сонымен қатар аймақ шаруалары жем-шөпті үнемдеудің амалы ретінде-төрт-түлікті тоғайларға жайып жатыр. Өйтпесек, қыс ортасында мал азығы тапшылығына ұрынып, шығынға батамыз ба деген қорқыныштары да жоқ емес.
