Украина Ресеймен дипломатиялық қарым-қатынасты үзді. Бұл туралы ел президенті Владимир Зеленский Киевте өткізген баспасөз мәслихатында мәлімдеді. Ол Ресейдің шабуылын екінші дүниежүзілік соғыс кезіндегі фашистік Германия әрекетімен салыстырды. Сондай-ақ азаматтарға «жерді қорғау үшін» қару беруге дайын екенін де жеткізді. Сонымен қатар, ол Ресей тұрғындарын наразылыққа шығуға үндеді. Зеленскийдің сөзіне қарағанда, қазір Украина Қарулы күштері «нағыз ауыр соғысты бастан өткеріп жатыр».
Владимир Зеленский — Украина президенті:
«Украина қорғанып жатыр және өз бостандығын бермейді. Украиналықтар үшін тәуелсіздік пен өз жерінде қалауына қарай өмір сүру ең жоғары құндылық. Ар-ұжданын сақтап қалған азаматтарға айтарым: соғысқа қарсы шығатын кез келді».
