Түркістан облысы, Төлеби ауданында өндірістік кооператив тәулігіне 1 тоннадан астам сүт өндіреді,- деп хабарлайды TurkistanZaman ақпараттық порталы.
Қазіргі таңда Төлеби ауданы аумағында сүтті сиырларды көбейту қолға алынып отыр. Атап айтатын болсақ, 2017 жылы құрылған «Болашақ Нұры» ауыл шаруашылығы өндірістік кооперативі Бірінші Мамыр ауылында орын тепкен. Шаруашылық иелігінде 200 бас ірі қара мал болса, оның ішінде 120 бас сиыр бар. Аталған шаруа кәсіпкері 2019 жылы Ресей Федерациясы, Алтай өңірінен 60 бас сүтті бағыттағы Гольштейн-Фриз тұқымды асыл тұқымды сиыр алып келген.
Кооперативтің күніне өндіретін сүт көлемі 1-1,5 тоннаны құрайды. Сүтті Шымкент қаласына өткізіп, өткізілген сүттің әрбір литріне 20 теңге субсидия алып отыр.
