Қаладағы Сырғақ батыр көшесінде қос қабатты үй тұрғындарының соңғы бір-екі жылдағы көрген күні осы. Алайда жыл түгілі, мынадай сасық иіс жайлаған жерде бір сәт тұрудың өзі мұң. Себеп – нәжіске толған кәріз құдығы жертөлеге қарай ағып жатыр.
Әсіресе, желді күндері күлімсі иіс бүкіл ауылды алып кететінге ұқсайды. Жұрт мәселесін айтып жауапты мекемелерге арызданғанмен, жергілікті билік өкілдерінен еш қайыр болмай отыр.
Муқаддас Бадалова, қала тұрғыны:
«Канализация істеп кеткеніне бір жарым жыл болды. Келіп тазалап жатқан жоқ. Водаканалға барсақ, ТҮКШ-ке сілтейді, онда барсақ «болды ертең істейміз», – деп шығарып салады. Бірақ сол ертеңі әлі болған жоқ. Ешкім келіп, еш нәрсе істеген жоқ».
Анвар Каримова – 2 топ мүгедегі. Жасы 70-тен асқан. Бұрын сыртта тұрған әжетханалар ақсақалдың айтуынша, облыс орталығы болғалы ішке кірген. Сарқынды суды пайдаланғаны үшін тиісті мекеме ақы төлеп келген. Ал, жөндеуге келгенде ешкімді таппаймыз. «Бүкіл үйді алып кеткен күлімсі иістен қажыдық» – дейді ашынған ана.
Анвар Каримова, қала тұрғыны:
«Барлығына бардым, ешкім тыңдамайды. Керек болса, ертең, бірсікүні тағы келе беремін, мәселе шешілмейінше».
Мұнда жалғыз бұл тұрғын үй емес. Осындағы 24 пәтерлі бес үйдің жағдайы да тура осындай. Мәселені алға тартып, жауапты ұйым өкілдеріне бардық. Сөйтсек, белгісіз біреулер сым жүргізу үшін қазған екен. Соның кесірінен құбыр жарылып кеткен.
Сейітмұрат Сейілбеков, инфрақұрылым коммуникация бөлімінің маманы:
«Басқа бір медігер мекеме келіп біздің траншеяның үстінен қазған кезде, құбырымызға ақау келді. Бітпей қалса,біздің мойнымызда деп сізге айттық қой».
Маман мердігер мекеме енді бүгін толықтай жұмысын аяқтауға уәде беріп отыр. Егер ол құрғақ уәде күйінше қалса, үстінен арыз жазып, құзырлы орындарға шағымдануға әкімдік тастүйін дайын отыр.
