27 жылда 2-ші рет өткізілейін деп жатқан саяси науқанға санаулы күндер қалды. Түркістан облысында Референдумды насихаттау мақсатында арнайы штаб құрылып , барлығы 58 адам үгіт-насихат жұмыстарын жүргізуде.
Маңызды оқиғаға байланысты әлеуметтік сауалнама жүргізілген. Оған 2000-ға жуық респондент қатысып, 80 пайызы референдумға қатысуға ниет білдірген. Бүгінде 1600-ге жуық түрлі форматтағы кездесулер ұйымдастырылып, 300 мыңға жуық тұрғын қамтылып отыр.
Қайрат Балабиев, Түркістан облысы мәслихатының хатшысы:
- Қоғамдық штаб 4 топқа бөлініп облыс тұрғындарымен кездесулер өткізілуде. Одан бөлек Аманат партиясының облыс бойынша 18 жергілікті штабы жұмыс істейді. Облыста бүгінгі күнге 1600 түрлі форматтағы кездесулер ұйымдастырылып, 300 мыңнан астам тұрғын қамтылды.
Ал «AMANAT» партиясының Түркістан облыстық филиалы 1 айда 1200-ге жуық кездесу өткізген. Түркістан облысының 80 пайызы ауыл аймақ болғандықтан әр ауданға кураторлар бекітіп, үгіт-насихат кездесу іс-сапарларын жүргізуде.
Бейсен Тәжібаев, “AMANAT” партиясы түркістан облыстық филиалының атқарушы хатшысы:
- Қазір осы 475 партия штаб мүшелерінің 49-ы облыстық штабтық мүшесі болып табылады. Біз мынау әр ауданға бірнеше кураторлар бекіттік, 49 азаматтың 17 аудан қала болса, әр ауданға кемінде 2-ден кураторларымыз бар. Сол куратор штаб мүшесі тұрақты түрде ауданмен байланыс жасай отырып. Жоспарланған іс-шараны аудандық филиал тарапынан барып қатысуға өткізуге толық бастамашыл болады.
