Өйтетіндейі бар, себебі жыл басталғалы 387 электр самокаты жол апатына сеп болған. Соның кесірінен 25 адам ажал құшып, 411-і ауыр жарақат алған. Осындай деректерді алға тартқан сенатор Нұртөре Жүсіп электр самокаттарды пайдалану ережесін заңмен бекітуді талап етті.
Осы орайда ол Кеден одағының доңғалақты көлік қауіпсіздігі туралы техникалық регламентіне тоқталды. Құжатқа сәйкес, жалпы ортақ жолдарда жүретін кез келген көлік жақын және алыс шам, жарық қайтарғыштармен, бұрылыс көрсеткіші мен тежегіш сигналымен жабдықталуы тиіс.
Нұртөре Жүсіп, ҚР Парламент Сенатының депутаты:
«Жолда жүру туралы заңның 64-бабына сәйкес, осы құрылғылар уәкілетті органда мемлекеттік тіркеуге жатпайды. Сонда қалай болғаны? Жылдамдығы автокөлікпен пара-пар, кейде сағатына 60 шақырымнан асатын электросамокаттар ешқандай көлік санатына жатпай ма? Қазіргі уақытта нормативтік актілерде осы типтегі құрылғылардың жіктеуі жоқ»
