«Отбасыңмен он тал ек»: дәл осындай атаумен Түркістанда эко-акция басталды. Мұндағы негізгі мақсат – өңірді көгалдандыру. Сонымен қатар жасыл желекке айналдыруға жанұямен үлес қосу. Оған тұрғындар мен ардагерлер, зиялы қауым өкілдері атсалысты. Акция 10 күнге жалғасады.
Түркістандықтар бұл күні жасыл желектің жайқалуына жанұясымен үлес қосуға шықты. Қоғамдық шарада қала әкімі, депуттар, зиялы қауым өкілдері де төбе көрсетті. Шаһар басшысы эко-акция қаланың жасыл желекке бөленуі үшін басталған маңызды қадам екенін айтты. Одан өзге, көгалдандыру ісіне үлес қосқан әрбір жанға алғысын білдірді.
Нұрбол Тұрашбеков, қала әкімі:
«Түркістан қаласының әр тұрғыны отбасымен келіп қатысады. Біз қазіргі таңда қаланың үш жерін белгілеп оырмыз. 1,2 ықшамаудандары және Қызылорда тас жолы. Жалпы Түркістан аумағын жасыл қалаға айналдыру мақсатында эко-акциямызды бастадық. 10 күнге жалғасады. Алдағы уақытта қала тұрғындары ары қарай да жасыл желекті күтіп ұстауды халықпен бірге атқарамыз».
Қоғамдық шараға белсене қатысқан отбасылар мен үлес қосқан бүлдіршіндерге сыйлықтар үлестірілді. Акция барысында бірнеше аудандарға 20 мыңнан астам ағаш көшеттері отырғызылды. Аталған эко шара алдағы 10 күн бойы қаланың 10 секторында жалғасады.
Қуандық Ерсұлтан, қалалық ақсақалдар алқасы төрағасының орынбасары:
«Бір тал кессең, он тал ек» дейді ғой. Біздің Түркістанның гүлденуіне, көркеюіне қосып жатқан үлесіміз – сол мақсатта. Барша қала тұрғындарын осыған шақырамыз. Құдай қаласа, 10 күн акция болады. Алматыда 30 тал ектік. Акцияға барлығымыз ат салысайық».
Эко шара аясында 5000-нан астам тұрғын сенбілікке шықты. Еске салсақ, қалада бүгінге дейін 100 мыңға жуық көшет егілген.
