Түркістан облысы, Ордабасы ауданы Қараспан ауылдық округ тұрғындары үшін биыл жағымды жаңалықтармен басталды. Мәселен Мақташы елдімекенінде бой көтеріп жатқан су жаңа мектеп сөзімізге дәлел бола алады. Былтыр іргетасы қаланған білім ордасы жыл соңына дейін қолданысқа беріледі деп күтілуде. Сиымдылығы 200 орынға арналған нысан жер телімінің жалпы ауданы 2 га.
НҰРБОЛ АШИРОВ, АУЫЛ ТҰРҒЫНЫ:
– Білім ордасы соңғы үлгідегі оқу құралдарымен жабдықталып, білім сапасын одан әрі көтермек. Ендеше жаңа оқу ғимаратынан Жаңа Қазақстанның берік іргетасын қалайтын білімді саналы ұрпақтың шығарына сенім білдіремін.
Сондай-ақ аталмыш округте құрылысы жүріп жатқан келесі нысан Көлтоған ауылындағы Фельдшерлік Амбулаториялық бөлімше. Атап өтерлігі биыл округ көлемінде 2 Фельдшерлік Амбулаториялық бөлімше қарастырылыған. Оның бірі Төреарық елді мекенінде болса, екіншісі Көлтоған ауылында.
