Кәрім Мәсімовтың інісі Нұрлан Мәсімовке іздеу жарияланды. Бұл туралы Сыбайлас жемқорлыққа қарсы іс-қимыл Агенттігі хабарлады. Павлодар полиция департаментінің экс-бастығы болған ол аса ірі мөлшерде пара алды деген күдікке ілінген. Еске салсақ, 2022 жылдың қаңтарында 48 жастағы Нұрлан Мәсімов Павлодар облысы Полиция департаментінің бастығы қызметінен босатылған еді. Ол департаментті 2019 жылдың қарашасынан бері басқарған. Ал Нұрлан Мәсімовтің орнына Қазақстан премьер-министрінің бірінші орынбасары Роман Склярдың інісі Василий Скляр тағайындалған болатын.
Қазақстан Республикасының Сыбайлас жемқорлыққа қарсы іс-қимыл агенттігі:
«Қазіргі уақытта Нұрлан Мәсімовке іздеу жарияланды, іс бойынша оның орналасқан жерін анықтау бойынша қажетті жедел-іздестіру іс-шаралары және істің барлық мән-жайларын анықтауға бағытталған басқа да тергеу іс-әрекеттері жүргізілуде. Тергеу нәтижелері бойынша тиісті іс жүргізу шешімі қабылданатын болады».
