Қазақстан Республикасы Үкіметінің Қаулысымен Данияр Еренғалиұлы Жаналинов ҚР қаржы вице-министрі қызметіне тағайындалды,-деп хабарлайды TurkistanZaman ақпараттық порталы. Бұл туралы ҚР Премьер-Министрінің Баспасөз қызметі мәлімдеме жасады.
Данияр Жаналинов 1975 жылы Алматы облысында дүние есігін ашқан. Қазақ көлік және коммуникация академиясын инженер-экономист мамандығы бойынша бітірген. Еңбек жолын 2000 жылы Талдықорған қаласы бойынша Салық комитетінің заңды тұлғалар салық аудиті секторының салық инспекторы қызметінен бастады.
2002-2008 жылдар аралығында Алматы облысы бойынша Салық комитетінде түрлі қызметтер атқарды.
2008-2010 жылдарда Алматы облысы бойынша Салық комитетінің орынбасары.
2010-2014 жылдары ҚР Қаржы министрлігі Салық комитетінің құрылымында басшылық қызметті атқарса, 2014-2018 жылдары ҚР Қаржы министрлігі Мемлекеттік кірістер комитетінің Солтүстік Қазақстан облысы бойынша Мемлекеттік кірістер департаментінің басшысы ретінде қызметін жалғастырды.
2018 жылдан бастап ҚР Қаржы министрлігі Мемлекеттік кірістер комитетінің Маңғыстау облысы бойынша Мемлекеттік кірістер департаментінің басшысы болып еңбек жолын жалғастырды.
