Талибан билікке келгелі бұқаралық ақпарат құралдарының 40 пайызы жабылып қалған. Оның жартысы Талибан билікке келгелі қаржыландыру болмағандықтан, жұмысы тоқтаса, екінші жартысы лаңкестік ұйым тарапынан қысымға ұшыраған.
«Шекарасыз репортерлер» халықаралық ұйымының мәліметінше, Ауған журналистерінің 60 пайызы жұмыссыз қалды. Бұл қиындықтың зардабын,әсіресе, әйелдерге қатты тиюде. Ер журналистердің 52 пайызы жұмыссыз қалса, әйелдердің арасында бұл көрсеткіш 80 пайыздан асып жығылған. Тілшілерді қазір ақпараттың жоқтығы, талибан тарапынан енгізілген цензура – осының барлығы қиындықтың тек бер жағы. Тіршілік көзін саудадан іздеп кеткен тілшілер қатары күн санап көбейіп жатса керек.
Масрур Лутфи, ауған ұлттық журналистер ассоциациясының директоры:
«Елдің 20 жыл бойы жеткен жетістіктері жоқ болды. Ол медиа-кеңістікке де қатысты. Жұмыс істеуге мүмкіндік мүлдем жоқ. Медиа-ұйымдардың жағдайы күннен-күнге ушығып барады. 20 жыл бойы жұмыс істеп келе жатқан тәжірибелі журналистер елден қашуға мәжбүр болды. Медиа-нарық әлсіреді. Оның үстіне сөз бостандығының шектелуін қосыңыздар».
