Жыл басынан бері Нұр-Сұлтанда 10 мыңнан аса бала коронавирус жұқтырған. Бұл туралы қалалық Қоғамдық денсаулық сақтау басқармасының басшысы Тимур Мұратов айтты, – деп хабарлайды Tengrinews.kz тілшісі.
“Жыл басынан бері коронавирус жұқтырған балалар саны 10 мыңнан асады. Бұл стационарлық және амбулаториялық ем алған науқастар.
Балаларда вирус өте ауыр түрде өтеді. Инкубациялық кезең ересектер сияқты 4-тен 14 күнге дейін. Бірақ балалардың бірден бірнеше органына әсер етуі мүмкін. Бұл денеге теріс әсер береді. Сондықтан, біз тұрғындар вакцина салдыру керек екенін айтудан жалықпаймыз. Осылай өзіңізді ғана емес жақыныңызды, достарыңызды, туыстарыңыз бен ұжымдастарыңызға қауіп төндірмейсіз”, – деді Мұратов ОКҚ брифингінде.
Оның айтуынша, бүгінде коронавирус жұқтырған 74 бала стационарлық деңгейде емделіп жатыр, оның ішінде 7 бала ауыр жағдайда. Бірақ палатаға ауыстырылып, жағдайы тұрақталған. Жансақтау бөлімінде балалар жоқ.
Соңғы тәулікте 12 балада коронавирус анықталды. 834 бала үйде емделуді жалғастырып жатыр.
