Бәйдібектік тұрғын 583 мың теңгеге өз кәсібін ашты

Бәйдібек ауданы, Жамбыл ауылының тұрғыны Рамзия Абдуллина «Еңбек» мемлекеттік бағдарламасы аясында мемлекеттік грант алып, өз кәсібін ашты.
Жоба шеңберінде арнайы курстан өткен кәсіпкер сәуір айында аудан әкімдігінің халықты жұмыспен қамту орталығына «Сұлулық салонын ашу» жобасы бойынша өтініш білдіріп, мемлекеттік гранттар беру қағидасына сәйкес құрылған комиссияның оң қорытындысын алған. Грант қаржысы берілгеннен кейін керекті құрал-жабдықтарын алып, Шаян ауылынан ғимаратты жалға алып, сұлулық салонын ашқан.
Сондай-ақ, шаш қиюмен қатар қыз-келіншектердің шашын бояу, түрлі шаш үлгілерін жасау, тырнақ әрлеумен айналысып отырған грант иегері кәсібін алдағы уақыттa үлкейтіп, қосымша жұмыс көздерін ашуды жоспарлауда.