“Болашақ” бағдарламасымен оқуға түсу жолдары жеңілдеді

«Болашақ» бағдарламасымен техникалық мамандыққа түсу үшін 5,5 балл IELTS нәтижесі жеткілікті. Бұл туралы білім және ғылым министрі Асхат Аймағамбетов мәлімдеді. Сондай-ақ ол биыл аталмыш бағдарлама бойынша 555 грант бөлінгенін, соның 60% техникалық мамандықтарға тиесілі екенін атап өтті. Министрдің хабарлауынша мұндай мүмкіндік осы салаға балалардың көбірек келуіне әсер етеді. Сонымен қатар талапкерлердің барлығына тілдік құзіреттілік бойынша талап бірдей болады. «Болашақ» бағдарламасымен білім алған қазақстандықтар үшін елде жұмыс істеу міндеттемесінің мерзімі өзгермейді. Қалалық жерлерде -5 жыл, кей өңірлерде 3 жыл, ауыл мектептеріне барып жұмыс істесе-2 жыл.