2021 жылдың 23 қарашасынан бастап Түркістан облысындағы республикалық маңызы бар автомобиль жолдарының 321 шақырымы ақылы жүйеге енді. Оларды күтіп ұстау жұмыстары, нақтырақ айтсақ, «Шымкент-Ташкент», «Шымкент-Тараз» бағыттарын «ШымкентСпецКомплекс», «Шымкент-Қызылорда» бағытын «South Road» компаниясы жүргізеді. Қалған 402,1 шақырым автожолға «Қазақавтожол» жауапты. Жалпы жолдарды қысқы күтіп ұстауға жалпы 67 техника жұмылдырылған. Облыста 11 өндірістік база бар. Қысқы маусымда көктайғаққа қолданылатын құм 8500 м3, тұз 675 тонна инертті материалдар дайындалған. Бұл материалдардың сапасы мен күтіп ұстау жұмыстарының жай-күйін, техникалық дайындығын «Жол активтері ұлттық сапа орталығы» тексереді. Республикалық кәсіпорынның облыстық филиалы мамандары қыс мезгілінде 17 рет тексеруге шығып, зертханалық талдау жасау үшін 18 сынама алған.
