Оңтүстік Африка Республикасында коронавирустың жаңа штамы табылды. Жаңа штамның ерекшелігі, ол жұқпалы және вакциналарға төзімді болуы мүмкін, — деп хабарлайды Tengrinews.kz тілшісі Reuters агенттігіне сілтеме жасап.
Квазулу-Наталдағы ұлттық жұқпалы аурулар институтының зерттеушілері анықтаған штамм C. 1.2 деп аталды. Ол алғаш рет мамырда Мпумаланга және Гаутенг провинцияларында, елде пандемияның үшінші толқыны басталғанда табылған. Бір айдан кейін ол Квазулу-Натал және Лимпопо провинцияларында, сондай-ақ Англия мен Қытайда анықталған.
Қазіргі уақытта штамның қауіптілік дәрежесі анықталуда. C.1.2 құрылымы дельта штамына ұқсас, бірақ мутацияға көбірек ұқсайды.
Жұқпалы аурулар жөніндегі маман және С.1.2-ні зерттеу авторларының бірі Ричард Лесселлстің айтуынша, бұл штамның пайда болуы «пандемия әлі аяқталған жоқ және вирус адам ағзасына жұғудың жақсы тәсілдерін әлі де зерттеп жатыр» дегенді білдіреді.
Сарапшылар зерттеулердің аралық нәтижелерін Дүниежүзілік денсаулық сақтау ұйымына (ДДҰ) берген.
Айта кетейік, қазір ең жұқпалы штамм – «дельта». Аталған штамды жұқтырған науқастың кейін екінші немесе үшінші күні жағдайы күрт нашарлайды, сондықтан олар өздігінен дем ала алмай қалады да бірден реанимацияға жатқызуды қажет етеді.
