Мемлекет басшысы Қасым-Жомарт Тоқаев Паралимпиада жүлдегерлерін марапаттау туралы жарлыққа қол қойды.
“Токио-2020 ХVI Жазғы Паралимпиада ойындарындағы аса үздік спорттық жетістіктері үшін “Қазақстан Республикасының Ұлттық Паралимпиадалық комитеті” ҚБ нұсқаушы-спортшыcы Давид Мамиевич Дегтярев ІІІ дәрежелі “Барыс” орденімен наградталсын”, – делінген Ақорда сайтында жарияланған жарлық мәтінінде.
Зарина Байбатина, Теміржан Дәулет, Әнуар Сариев “Парасат” орденін кеудесіне тақты.
Нұрдәулет Жұмағали “Құрмет” орденімен марапатталды.
Еске сала кетейік, қазақстандық Давид Дегтярев (пауэрлифтинг) 54 келіге дейінгі салмақта алтын алды, ол 174 килограмдық зілтемірді көтерді.
