Шымкентте митингке қатысты деп айыпталған азаматтарды әбден азаптаған! Осылай деген күдіктілердің туыстары бүгін тергеу изоляторының алдында нарызылық білдірді.
Ардақ Сәтбаева:
“Азаптау болған. Оны маған күйеуім екіқабат қой деп айтпаған. Қалай ұрғанын айтпады. Қойшы. Не қыласың? Уайымдайсың ғой деп айтпай қойды. Бірақ, ұрған. Адвокаттан естідім”
«Інімді ұстап алған кезде 4 күн бойы 1 этаждан үшке дейін, үштен бірге дейін түсіріп алып, әбден азаптаған. Ұрған, аямай ұрған балаларды. Бастарына целофан кигізіп ұрған. Азаптау фактілері болған кезде камералардың бетін ақ парақпен жауып қойған екен».
Қаңтар қақтығысына қатысты деп істі болғандардың туыстары жақындарының үйқамаққа жіберілуін талап етіп отыр. Негізінен оларға «жаппай тәртіпсіздіктерге қатысты» мемлекет мүлкіне залал келтірді», «билік өкіліне күш көрсетті» деген айыптар тағылған. Ал наразы топтың уәжін тергеу изоляторының басшылығы «жалған ақпарат» деп жоққа шығарды.
